Orthopedesch Chirurgie – Mako®-Roboter
Beschreiwung
Dank der Acquisitioun vun engem éischte MAKO®-Roboter am Joer 2016 sinn d'Hôpitaux Robert Schuman eng Pionéier-Gesondheetsariichtung zu Lëtzebuerg an der Roboter-assistéierter orthopedescher Chirurgie. Dëse Navigatiounssystem bitt fir d'éischt e personaliséierten Operatiounsplang, deen un déi individuell Anatomie vum Patient ugepasst ass. Dësen 3D-Modell vum Knéi gëtt da benotzt, fir de Chirurg duerch d'Ersetze vum Knéi oder der Hëft ze guidéieren. De System verhënnert, dass chirurgesch Instrumenter a geféierlech Beräicher andréngen, wou se Nerven oder Bluttgefäässer verletze kéinten. Esou kann een eng geometresch Zon schafen, an där de Chirurg seng Geste perfekt kontrolléiert, an déi dem Deel vun der Schank entsprécht, deen ewechgeholl gi muss, fir eng Prothees richteg ze implantéieren.
Plus-value
Fir de Patient bitt den Asaz vum MAKO®-Roboter Virdeeler par rapport zu der konventioneller orthopedescher Chirurgie wéinst der héijer Präzisioun an der anatomescher Platzéierung; d’ Gelenkbeweegung ass méi natierlech; d’Hospitalisatioun, d‘Reconvalescence an de Retour op eng normal Aktivitéit dauere manner laang; d’Muskele ginn erhalen; d’Aschnëtter si méi kleng; den Infektiounsrisiko gëtt reduzéiert; et huet ee manner Péng; et verléiert ee minimal Blutt, an de Risiko vun enger Blutttransfusioun ass méi kleng; de Risiko vun engem Bluttgerinnsel gëtt reduzéiert.
Status
An den Hôpitaux Robert Schuman am Asaz säit 2016. Erweiderung vum Projet am Joer 2024 mat der Installatioun vun engem zweete Roboter an den neisten digitalen Applikatiounen.
Fotogalerie
