donation picto
En Don maachen

Preambel

Dës juristesch Notiz (“Notiz”) gëllt fir all Inhalter a Servicer, déi um Site vun der Fondation des hôpitaux Robert Schuman (www.fhrs.lu) (“Site”) a fir all Benotzer vun dësem Site (“Benotzer”, “Dir”, “Är” oder “Dir selwer”) proposéiert ginn.

Akzeptatioun vun der Notiz

De Benotzer akzeptéiert dës Notiz a verflicht sech, se ze respektéieren, wann en de Site benotzt, drop zougräift oder e kuckt. Dir musst d’Notiz an och d’Dokumenter, déi dran ernimmt ginn, suergfälteg a komplett liesen ier Dir de Site benotzt, well d’Notiz e juristesch verbindlechen Accord tëschent Iech an der Fondation Hôpitaux Robert Schuman (“d’Fondatioun”) duerstellt, deen Är Rechter, Flichten a Responsabilitéiten an Äre Rapport mat der Fondatioun definéiert.

Wann dir de site consultéirt, akzeptéiert dir n’Notiz a confirméiert, datt dur d’Informatiounen dra verstitt.

Dir confirméiert, datt Dir kontrolléiert hutt, datt d’IT-Configuratioun, déi Dir benotzt, kee Virus oder aner “béiswëlleg Software” enthält an datt se an engem perfekt funktionéierenden Zoustand ass. Am Fall vun engem Problem, kann d’Fondatioun dofir net verantwortlech gemaach ginn.

Editeur, Hebergeur a Besëtzer

De Site www.fhrs.lu a säin Inhalt gehéieren der Fondation Hôpitaux Robert Schuman, där hire Sëtz 44, rue d’Anvers L-1130 Lëtzebuerg ass.

D’Publikatioun gëtt vum Direkter vun der Fondatioun, Georges Heirendt, geleet.

De Site gouf vun der Kommunikatiounsagence Binsfeld, 14 Place du Parc, L-2313 Lëtzebuerg, Lëtzebuerg, konzipéiert an entwéckelt.

De Site gëtt a Frankräich vun der Firma OVH, 2 rue Kellermann BP 80157, 59100 Roubaix, Frankräich, hebergéiert.

De Benotzer akzeptéiert déi follgend Konditiounen ouni Virbehalt, wann e weider de Site consultéiert.

D’Fondatioun behält sech och d’Recht vir, d’Benotzungsbedéngunge vum Site zu all Moment ze änneren. D’Fondatioun recommandéiert dofir all Benotzer, déi rezentst Versioun vun de Benotzungsbedéngunge vum Site ze consultéieren.

Fir all Reklamatioun kann de Benotzer den Editeur vum Site op der follgender Adress kontaktéieren: communication@fhrs.lu.

Benotzung vum Site

De Benotzer ass exklusiv a vollstänneg verantwortlech fir all Inhalt oder Informatioun, déi hien der Fondatioun um Site oder via de Site matdeelt.

De Benotzer verflicht sech, de Site verantwortungsvoll ze benotzen, d’Rechter vun der Fondatioun an hire Clienten net ze verletzen an hinnen net ze schueden.

De Benotzer verflicht sech besonnesch, dem Ruff vun der Fondatioun, hire Clienten oder Drëtten net ze schueden, se net ze diffaméieren, beleidegen, belästegen oder bedroen, a keen Apparat, Ënnerprogramm oder Software ze benotzen, déi dem korrekte Fonctionnement vum Site kéinte schueden.

De Benotzer dierf keng falsch, inkorrekt, net komplett, net zouverlässeg oder ierféierend Informatioune matdeelen.

Dir verflicht Iech formell an ausdrécklech géintiwwer der Fondatioun, de Site net ze benotzen:

  • fir aner Zwecker wéi Är perséinlech an net-kommerziell Notzung;
  • fir Informatiounen am Numm vun enger anerer Persoun matzedeelen oder fir enger aner Persoun zu dësem Zweck ze hëllefen, ouni d’ausdrécklecht Averständnis am Viraus vun der Persoun fir déi dës Informatioune matgedeelt ginn;
  • zu illegalen Zwecker oder Zwecker, déi vun der Notiz verbuede sinn. Besonnesch dierft Dir de Site net op eng Manéier benotzen, déi d’Infrastruktur vun der Fondatioun kéint beschiedegen, desaktivéieren, iwwerlaaschten oder gefäerden;
  • fir eng kriminell Aktivitéit auszeféieren, dorënner och de Versuch fir onerlaabten Zougang zu Informatiounen ze kréien, déi aner Persoune via de Site matgedeelt hunn, zu den Informatiksystemer oder zu Netzwierker, déi mat der Fondatioun verbonne sinn, duerch Hacking oder aner Moyenen;
  • fir derivéiert Wierker ze schafen, déi en Element vun der Fondatioun integréieren, fir Reverse-Engineering ze maachen oder fir d’Quellcodë vun enger Software ze zerleeën, probéieren, Zougang dozou ze kréien, oder se op iergendeng Manéier ze änneren.

Objet an Inhalt vum Site

D’Informatiounen iwwer d’Fondatioun hunn e reng informative Wäert an hiren Zweck ass et, hir Aktivitéite beim Public an hire Clienten ze promovéieren.

D’Fondatioun verflicht sech, eng maximal Disponibilitéit vum Site ze assuréieren.

D’Zil ass et, korrekt an aktuell Informatiounen aus verschiddene Quellen ze verbreeden. D’Fondatioun kann allerdéngs net all Risiko vu materielle Feeler vermeiden. Keng vun den Informatiounen, déi um Site vun der Fondatioun publizéiert ginn, huet den Usproch, komplett ze sinn, oder eng Verflichtung vun hirer Säit duerzestellen. D’Informatioune sinn net u perséinlech oder spezifesch Ëmstänn ugepasst a kënnen dofir net als perséinlech, professionell oder juristesch Berodung fir de Benotzer ugesi ginn.

Den Internetsite www.fhrs.lu huet zum Zil:

  • d’Fondatioun, hir Aktivitéiten a Servicer, hir Approche, hir Aktualitéiten an Evenementer ze presentéieren;
  • d’Persounen, déi am Beräich vun der Gesondheet schaffen, iwwer déi verschidde Servicer vun der Fondatioun ze informéieren, dorënner och d’Formatiounen an d’Aarbechtsplazen, déi am Grupp Hôpitaux Robert Schuman verfügbar sinn;
  • d’Donateure vun der Fondatioun ze informéieren, besonnesch iwwer d’Konditioune vun den Donen;
  • déi verschidden Innovatiounsprojeten ze presentéieren, déi vun der Fondatioun finanzéiert goufen;
  • de Benotzer ze erméiglechen, d’Fondatioun ze kontaktéieren.

D’Fondatioun behält sech d’Recht vir, den Inhalt vum Site zu all Moment an ouni Preavis ze korrigéieren oder ze änneren. Dir sidd eleng verantwortlech fir d’Auswiel, d’Benotzung an d’Interpretatioun vun den Daten, déi Dir um Site consultéiert, ufrot an iwwermëttelt.

Sproochen

De Site www.fhrs.lu ass disponibel op Englesch, op Lëtzebuergesch an op Franséisch, mat Ausnam vun de juristeschen Dokumenter, fir déi Franséisch d’Referenzsprooch ass. Nëmmen déi franséisch Versioun vun dësen Dokumenter ass entscheedend. Mir beméien eis, all Informatioune gläichzäiteg an alle Sproochen ze publizéieren. D’Fondatioun kann awer net verantwortlech gemaach ginn, wann Inhalter net op Franséisch oder op Englesch disponibel sinn.

Geeschtegt Eegentum

D’Fondatioun ass Proprietär, Besëtzer oder Detenteur vun alle Rechter vum geeschtegen Eegentum a Relatioun mam Site, besonnesch vun de Marken, Handelsnimm, Rechter betreffend Datebanken, Prozesser, Software, Patenter, Urheberrechter, Designen, Logoen, Berechnungen, Algorithmen an Domainnimm. D’Fondatioun behält sech all d’Rechter vir, déi mat dësem geeschtegen Eegentum zesummenhänken.

All Material, dat direkt oder indirekt mam Site zesummenhänkt oder domat verbonnen ass, gehéiert der Fondatioun an ass vum Urheberrecht, vum Markerecht an all anere Gesetzer, déi a Kraaft sinn, geschützt.

Besonnesch déi follgend Elementer sinn exklusiivt Eegentum vun der Fondatioun (déi follgend Lëscht muss net komplett sinn): d’Marken, d’Servicemarken an d’Logoe vun der Fondatioun an all aneren Inhalt a Material, besonnesch d’Nimm, Biller, Logoen, Software, Texter, Graphiken, Daten, Präisser, Wiessel, Tabellen, Videoen an Audioen (egal a wéi engem Format a wéi enger Aart), déi d’Fondatioun betreffen oder identifizéieren, egal a wéi enger Form (z. B. Text, Graphik, Biller, Audio, Video, html-Code, Knäppercher, Marken, Software, Logoen (“Fondatiounsmarken”).

Dir dierft net autoriséieren, erlaben oder iergendengem hëllefen, d’Fondatiounsmarken ze kopéieren, reproduzéieren, änneren, republizéieren, eroflueden, iwwermëttelen, läschen, sammelen oder op eng aner Manéier ze verbreeden, egal a wéi enger Form oder op wéi eng Manéier, dat heescht manuell oder automatesch. All Notzung vun de Marken op all anerem Internetsite oder Informatiknetzwierk fir aner Zwecker ass strikt verbueden. Esou eng onerlaabt Notzung kann eng Verletzung vun den uwennbare Rechter vum geeschtegen Eegentum sinn an doduerch géint d’Urheberrecht, d’Markerecht an aner uwennbar Gesetzer verstoussen a ka strofrechtlech oder zivilrechtlech Sanktioune mat sech zéien.

Als Ausnam zu deem uewe genannten a wann näischt anescht virgesinn ass, ass d’Reproduktioun vun den Texter vum Site fir net-kommerziell Zwecker a besonnesch am pädagogesche Kontext nëmmen autoriséiert, wann déi véier (4) follgend Konditioune strikt respektéiert ginn:

  • gratis Verbreedung;
  • Respekt fir d’Integritéit vun den Dokumenter, déi reproduzéiert ginn: keng Ännerung oder Modifizéierung wéi enger Aart och ëmmer;
  • explizit Citatioun vum Site als Quell a Mentioun, datt d’Reproduktiounsrechter virbehalen a limitéiert sinn;
  • schrëftlech Autorisatioun am Viraus vun der Direktioun vun der Fondatioun.

D’Bestëmmungen an den Alineae vun dëser Sektioun gëllen och fir Drëttpersounen oder hir Produiten a Servicer.

Zougang zum Internetsite

D’Fondatioun suergt fir d’Disponibilitéit vum Site. D’Fondatioun kann allerdéngs net verantwortlech gemaach gi fir eng temporär Indisponibilitéit vum Site wéinst Maintenance oder Verbesserungen um Site, oder aus technesche Grënn fir déi si net verantwortlech ass. D’Fondatioun behält sech d’Recht vir, dem Benotzer den Zougang zum Site zu all Moment an ouni Preavis ze refuséieren.

Link op aner Internetsitten

De Site ka Linken op extern Internetsitten enthalen, déi Iech kéinten interesséieren.

D’Fondatioun kann net verantwortlech gemaach gi fir den Inhalt vun dësen Internetsitte vun Drëtten, op déi Dir via de Site vun der Fondatioun Zougang hutt.

D’Fondatioun huet keng Méiglechkeet, den Inhalt vun dëse Sitte vun Drëtten ze kontrolléieren, déi komplett onofhängeg vun der Fondatioun bleiwen.

Ausserdeem bedeit d’Existenz vun engem Link tëschent dem Site an engem Site vun engem Drëtten op kee Fall, datt d’Fondatioun op iergendeng Manéier den Inhalt vun dësem Site approuvéiert a scho guer net d’Notzung déi dovunner ka gemaach ginn.

Mir wëllen d’Integritéit vum Site schützen a begréissen all Kommentaren iwwer d’extern Internetsitten op déi eise Site e Link mécht.

Garantien

De Site vun der Fondatioun entsprécht den aktuelle Sécherheetsnormen. D’Fondatioun kann allerdéngs net fir d’Präsenz vu Viren oder béiswëlleger Software um Site verantwortlech gemaach ginn.

D’Fondatioun beméit sech, de Benotzer verfügbar a verifizéiert Informatiounen an Tools zur Verfügung ze stellen, kann awer net fir Feeler oder vereelzt Informatioune verantwortlech gemaach ginn. Ënner kengen Ëmstänn kënnen d’Informatiounen um Site eng Garantie, wéi enger Aart och ëmmer an a wéi engem Beräich och ëmmer, duerstellen. Dozou gehéieren, ënner anerem, d’Fäll vun administrativen oder pädagogesche Feeler.

Et gëtt keng Garantie fir d’Disponibilitéit vum Site 24 Stonnen op 24 iwwerholl an d’Fondatioun iwwerhëlt keng Verantwortung fir Verloschter oder Schued, déi wéinst der Indisponibilitéit vum Site entstinn.

D’Fondatioun garantéiert net d’Kompatibilitéit vun hirem Site mat Ären Equipementer oder Ären elektronesche Kommunikatiounsinstallatiounen.

All Garantie, déi net ausdrécklech an der Notiz uginn ass, ass ausdrécklech ausgeschloss.

Kënnegungen a Suspensioun

Dir kënnt zu all Moment, ouni e Grond unzeginn an ouni viru Geriicht ze goen, entscheeden, eise Site net méi ze benotzen oder froen, d’Servicer vum Site net méi ze kréien andeems Dir eng E-Mail u communication@fhrs.lu schéckt.

Responsabilitéit

Den Internetsite, säin Inhalt a seng Komponente gi reegelméisseg aktualiséiert fir den Zougang an d’Benotzung ënner de beschte Konditiounen ze erméiglechen. D’Fondatioun kann allerdéngs net an Echtzäit d’Aktualitéit, d’Vollstännegkeet an d’Korrektheet vum Inhalt vum Internetsite garantéieren.

Am vollsten Ausmooss, dat d’Gesetz erlaabt, kann d’Fondatioun net verantwortlech gemaach gi fir e Verloscht oder e Schued wéinst enger Decisioun, déi d’Fondatioun a Konformitéit mam Punkt “Kënnegungen a Suspensioun” geholl huet.

Den Internetsite gouf an engem techneschen Ëmfeld entwéckelt, dat vun der Fondatioun gewielt gouf a gëtt reegelméisseg aktualiséiert fir seng Accessibilitéit ze garantéieren. D’Fondatioun garantéiert awer op kee Fall weeder eng permanent Accessibilitéit nach d’Feelerfräiheet. All Benotzer, dee beim Surfen op Schwieregkeete stéisst, gëtt invitéiert, de Kommunikatiounsservice op der Adress communication@fhrs.lu ze kontaktéieren

D’Haftung vun der Fondatioun ass ausdrécklech ausgeschloss fir all direkt an indirekt Konsequenzen:

  • vun enger Sécherheetsverletzung, déi vum Benotzer oder vun engem Drëtten ausgeet, a méi allgemeng vun all Sécherheetsverletzung, déi net direkt der Fondatioun kann zougeschriwwe ginn, awer limitéiert duerch d’inherent Aschränkungen a Risike vum Internet;
  • vu Feeler an/oder Bedruch vum Benotzer oder engem Drëtten;
  • vun enger méiglecher Indisponibilitéit oder Feelfunktioun vun den elektronesche Kommunikatiounssystemer oder -Netzwierker.

Aus Grënn ausserhalb vun eiser Kontroll, och onbegrenzt am Fall vu Force majeure oder Gesetzesännerung.

D’Fondatioun ka besonnesch net verantwortlech gemaach ginn am Fall wou eng Informatioun net aktualiséiert gëtt, am Fall vu Manipulatiouns- oder Kodéierungsfeeler, am Fall vun Ongenauegkeeten, Lücken an den Informatiounen, déi matgedeelt ginn, oder méigleche Feeler.

D’Fondatioun kann net verantwortlech gemaach gi fir e Schued, besonnesch a Betruecht vun der Qualitéit vum Benotzer sengem Informatikmaterial, der Qualitéit vum Internetreseau an/oder den technesche Konfiguratiounen, déi dem Benotzer zur Verfügung stinn. D’Fondatioun kann net verantwortlech gemaach gi fir eng Feelfunktioun oder eng Panne vun engem externe Modüll vum Internetsite.

D’Fondatioun ass berechtegt fir all Persoun ze poursuivéieren, déi dem Internetsite op wéi eng Manéier och ëmmer geschuet huet, sief et a senger technescher Struktur oder a sengem Inhalt oder senge Komponenten (illegal Kopie, Schécke vun enger béiswëlleger Datei, asw.).

Indemnisatioun

Am vollsten Ausmooss, dat d’Gesetz erlaabt, sidd Dir ausdrécklech averstanen, d’Fondatioun, hir Partner, dorënner och hir extern Déngschtleeschter oder Soustraitanten, hir Manager, hir affiliéiert Betriber an hir Employéen, ze verdeedegen, ze entschiedegen a vun alle Kloen, Uspréch, Verfaren, Prozesser, Verloschter, Haftung, Schued, Käschten oder Depensen (dorënner och, ouni Aschränkung, all Geriichtskäschten) fräizestellen, déi géint, vun, duerch oder als direkt oder indirekt Resultat vun Ärem Zougrëff oder Ärer Benotzung vum Site oder vun de Servicer vum Site a Verletzung vun der Notiz oder den uwennbare Gesetzer gemaach ginn.

Schutz vu perséinlechen Daten

D’Fondatioun suergt sech ëm de Schutz vun der Privatsphär vun de Visiteure vun hirem Site a wëll Äert Vertrauen an hir Servicer erhalen. Se invitéiert Iech dofir, hir Dateschutzpolitik ze consultéieren.

Cookien

Well d’Fondatioun sech ëm de Schutz vun der Privatsphär vun de Visiteure vun hirem Site suergt, hëlt se all néideg Moossname fir Äert Vertrauen a hir Servicer ze erhalen. D’Fondatioun invitéiert Iech dofir, hir Cookiepolitik ze consultéieren

Disponibilitéit an Ännerung vun der Notiz

D’Notiz ass a muss weiderhi fir d’Benotzer vum Site zougänglech sinn.

D’Fondatioun behält sech d’Recht vir, Deeler vun der Notiz zu all Moment an no hirer eegener Diskretioun ze iwwerschaffen, ze änneren, ze aktualiséieren, ze ergänzen, dobäizesetzen oder ze läschen.

Am Fall wou sou Ännerungen un der Notiz gemaach ginn, stellt d’Fondatioun déi geännert Versioun vun der Notiz (mam Datum vun der leschter Aktualiséierung) um Site zur Verfügung.

Kontakt

Dir kënnt d’Fondatioun op der follgender E-Mail-Adress kontaktéiere fir all Ufro: communication@fhrs.lu.

Uwennbaart Recht an zoustänneg Geriichter

Ausser wann d’Fondatioun dat ausdrécklech matdeelt, kann de Fait, datt d’Fondatioun e Recht oder e Recours am Zesummenhang mat der Notiz net ausüübt oder mat Verspéidung ausüübt, net als e Verzicht op dëst Recht oder dëse Recours oder all anert Recht oder all anere Recours am Zesummenhang mat der Notiz ugesi ginn.

E Verzicht vun der Fondatioun ass nëmmen effikass wann e schrëftlech gemaach gëtt.

All Notifikatioun vun oder un d’Fondatioun an all Notifikatioun vun an un Iech am Zesummenhang mam Site, de Servicer vum Site oder der Notiz muss iwwer den Noriichtesystem um Site gemaach ginn oder andeems Dir eng E-Mail u communication@fhrs.lu schéckt. Esou eng Notifikatioun gëtt als gläichwäerteg mat Pabeierdokumenter ugesinn, och fir Beweiszwecker.

De Benotzer an d’Fondatioun kënnen awer och eng Notifikatioun perséinlech, per Post oder per Courrierdéngscht iwwermëttelen. An dësem Fall muss all Notifikatioun un d’Fondatioun un déi follgend Adress oder all aner Adress, déi d’Fondatioun Iech matdeelt, iwwermëttelt ginn:

Fondation Hôpitaux Robert Schuman
44, rue d’Anvers
L-1130 Luxembourg

D’Fondatioun mécht all Notifikatioun un d’E-Mail-Adress oder d’Postadress, déi Dir der Fondatioun matdeelt. Den Zougang an d’Benotzung vum Site, vun de Servicer vum Site, vun der Notiz souwéi d’Veraarbechtung vun Äre perséinlechen Daten duerch d’Fondatioun gi vun de Gesetzer vum Groussherzogtum Lëtzebuerg gereegelt, mat Ausnam, am wäitesten Ausmooss, dat vum Gesetz autoriséiert ass, vun de Bestëmmunge vum lëtzebuergeschen internationale Privatrecht an alle gesetzleche Bestëmmungen, déi d’Uwennung vun de Gesetzer vun enger aner Jurisdiktioun géing mat sech bréngen. Dat betrëfft net de Schutz duerch d’imperativ gesetzlech Bestëmmungen, déi ouni dësen Alinea uwennbar wieren.

D’Bestëmmunge vum viregten Alinea gëllen och fir all deliktuelle Sträit a Relatioun mam Site an de Servicer vum Site.

All Litige am Zesummenhang mam Zougang an der Benotzung vum Site an de Servicer vum Site oder an direktem oder indirektem Zesummenhang mat der Notiz ënnerläit der exklusiver Zoustännegkeet vun de Geriichter vun der Stad Lëtzebuerg (Groussherzogtum Lëtzebuerg).