Am Kader vun Ärem Don deelt Dir eis verschidde vun Äre perséinlechen Date mat. D’Fondation des Hôpitaux Robert Schuman (“mir“), an hirer Kapazitéit als Datekontroller, ass sech der Wichtegkeet vum Respekt vun Ärer Privatsphär bewosst a verflicht sech, Är perséinlech Daten a Konformitéit mat der uwennbarer Gesetzgebung a besonnesch dem Allgemengen Dateschutzreglement (RGPD) ze veraarbechten. Dës Notiz soll Iech iwwer d’Notzung vun Ären Daten an iwwer Är Rechter informéieren.
Zwecker vun der Datesammlung a gesetzlech Grondlag vun der Veraarbechtung
Mir sammelen a veraarbechten Är perséinlech Date fir d’Zwecker, déi an der follgender Tabell opgelëscht sinn:
| Finalitéit(en) | Gesetzlech Grondlag(en) |
|---|---|
| Sammlung a Gestioun vun den Donen | Ausféierung vum Kontrakt iwwer den Don |
| Schécke vum Remerciement / vun der Steierquittung | Gesetzlech Verflichtung |
| Gestioun vun der Relatioun mat den Donateuren | Legitim Interessie vun der Fondatioun |
Zort vu gesammelten Daten
D’gesammelt Date sinn haaptsächlech:
- d’Identifikatiounsdaten (Numm, Virnumm, Uried);
- d’Kontaktdaten (E-Mail, Postadress);
- d’Bankdaten;
- de Betrag vum Don;
- den Datum vum Don.
D’Empfänger vun der Daten
Är Date gi vertraulech behandelt a ginn nëmme mat Drëtte gedeelt, wann dat néideg a gesetzeskonform ass. Zu dësen Drëtte kënnen déi zoustänneg Autoritéiten a Verwaltungen oder eis Déngschtleeschter gehéieren, besonnesch am Kader vun der IT-Soustraitance. An dësem Fall suerge mir dofir, datt Är Daten an der Europäescher Unioun bleiwen oder a Länner, déi en änleche Schutzniveau bidden.
Wann Dir en Don am Numm vun enger Persoun maacht, kënnen d’Familljemembere vun dëser Persoun d’Informatioun iwwer Ären Don kréien.
Späicherdauer vun der Daten
D’Date ginn esoulaang gespäichert wéi et néideg ass fir d’Zwecker, fir déi se gesammelt goufen, ze erreechen, awer maximal 10 Joer.
Är Rechter
Am Aklang mam Gesetz hutt Dir déi follgend Rechter:
- Recht op Informatioun. Mir hoffen, datt dës Notiz Är Froe beäntwert huet.
- D’Recht op gratis Zougang zu Ären Daten.
- D’Recht, Är Daten ze korrigéiere wann se falsch oder net méi aktuell sinn.
- D’Recht, Äert Averständnis zu all Moment zeréckzezéien.
- D’Recht eng Reklamatioun bei der nationaler Dateschutzkommissioun (CNPD) ze maachen, wann Dir der Meenung sidd, datt d’Veraarbechtung vun Ären Daten net gesetzeskonform ass.
A bestëmmte Fäll an ënner de Konditiounen, déi vum Gesetz festgeluecht ginn, hutt Dir och déi follgend Rechter:
- D’Recht op Läschung vun Ären Daten.
- D’Recht, d’Limitatioun vun der Veraarbechtung vun Ären Daten ze froen.
- D’Recht, der Veraarbechtung vun Ären Daten aus legitimme Grënn ze widderspriechen.
Dir kënnt Iech zu dësem Zweck zu all Moment vun eisen Newsletteren ofmellen, andeems Dir den Ofmeldungslink benotzt, deen Dir an all Newsletter fannt.
- D’Recht op Portabilitéit vun den Daten, déi Dir eis matgedeelt hutt (dat heescht d’Recht, Är perséinlech Daten op engem Support ze kréien, dee vun enger Maschinn ka gelies ginn), souwäit dat technesch méiglech ass.
Kontakt
Fir all Fro iwwer d’Veraarbechtung vun Ären Daten oder fir Är Rechter auszeüben, kënnt Dir eis kontaktéieren:
- Per E-Mail: dpo@fhrs.lu
- Per Post: 44 Rue d’Anvers, L-1130 Luxembourg
Fir konform mat der uwennbarer Reglementatioun ze sinn, verflichte mir eis, dës Informatiounsnotiz all Kéier wann et néideg ass ze aktualiséieren.